2 млрд теңгеден астам заңсыз табыс тапқан «Kizdar. net» ұйымдастырушылары ұсталды.
Алматы прокуратурасының мәліметінше, 2011 жылдан бері сайт жарнама орналастыру және ақылы интимдік қызмет көрсетуді ұйымдастыру үшін пайдаланылған.
«Болжамды интернет-ресурсты ұйымдастырушылар ұсталды, соттың санкцияларымен қамауға алынды», — делінген мәлімдемеде.
Тінту барысында ірі сомада ақша, цифрлық активтер, компьютерлік техника тәркіленді.
Алдын ала анықталғандай, заңсыз табыс 2 млрд теңгеден асады.
Іс барысы Алматы прокуратурасының ерекше бақылауында.
Фото: freepik
