Жуалы ауданында жалпы құны 248,0 млн. теңгеге барлығы 43 ауыл шаруашылығы техникалары, оның ішінде 27 жаңа МТЗ тракторлары, 1 погрузчик, 15 дана ауыл шаруашылығы тіркемелері сатып алынған. Агроқұрылымдар мен шаруашылықтарда бүгінгі күнге дейін 595 тракторлар тіркелген. Сонымен қатар 12 дана тұқым дәрілегіш, 127 дана дән сепкіш, 200 дана соқа, 125 дана культиватор, 112 дана тырма көктемгі дала жұмыстарына қатысыпты, – деп хабарлайды «shanyraqinfo.kz» ақпарат агенттігі.
Облыс әкімдігінің энергетика және тұрғын үй-коммуналдық шаруашылық басқармасы» коммуналдық мемлекеттік мекемесі арқылы, кепілденген дизель отынын Жуалы ауданына таратушы операторлар «Орсо Энергу» ЖШС-гіне 600 тонна және «Ауыл мұнай» жеке кәсіпкерлігіне 1 760 тонна бөлінген. Жанар жағар майдың жиынтығы шілде айына дейін – 2 360 тонна. (Наурыз – 250 тонна, сәуір – 720 тонна, мамыр – 780 тонна, маусымға – 610 тонна). Тарату бағасы бір литрі 174 теңгеден есептелінген.
Мұндағы бірқатар өндіріс ошақтары жұмыс жасап, нәтижесінде өнеркәсіп өнімдерін шығарып отырған кәсіпорындар жылдың қаңтар-маусым айларында 4 472,2 млн. теңгенің өнімдерін өндіріп, өткен жылдың осы кезеңімен салыстырғанда өндірілген өнімнің нақты көлем индексі 103,8 пайызды құрапты. Көрсеткіш нәтижесі облыс бойынша 2-ші орында тұр.
1 шілдеге дейін аудан көлемінде статистикалық деректерге сәйкес 4 466 кәсіпкерлік субъектілері тіркелсе, оның ішінде 3 орта, 160 шағын кәсіпорындар екен. 1 979 жеке кәсіпкерлер және 2 324 шаруа қожалық бар. Осы шаруашылық субъектілерінде барлығы 8 908 адам жұмыс атқаратын болса, соның ішінде 128 адам орта кәсіпорындарда, 692 адам шағын кәсіпорындарда, жеке кәсіпкерлікте 1 678 адам, шаруа қожалықтарында 6 410 адам жұмыс жасайды. Осы жылдың алты айында аудандағы кәсіпкерлік субъектілері бюджетке 114 млн. 133,4 мың теңге салық түсірген. Жалпы тіркелген кәсіпкерлік субъектілерінің 4177-і, немесе 93,5 пайызы жұмыс істеуде.нақты жұмыс істеп тұрған жайы бар.
Аудан бойынша қаңтар – маусым айларында 1 411,7 млн. теңгенің (2018 жылдың 6 айында 1 271,9 млн теңге) бөлшек саудасы жасалып, 2018 жылдың осы кезеңімен салыстырғанда нақты көлем индексі 4,9 пайызға артыпты. Бұл тұрғыда аудан облыс бойынша соңғы орынға жайғасқан екен.
