1) Керей мен Жәнібек — Қазақ хандығының қалаушылары. Екеуі де Алтын орданың 24-ші ханы, Ұрыс ханның немерелері.
2) Қасым хан – Қазақ хандығын үлкейткен тұлға. Егер Керей мен Жәнібек, Қазақ хандығын Жетісу жерінде қаласа, Қасым хан ол жерді едәуір ұлғайтып, қазақ хандығының шекарасын Ертістен Еділге дейін созды.
3) Абылай хан – Үш жүздің басын біріктіріп, жоңғарларға тойтарыс берген тұлға. Жетісу және Шығыстағы жерлерді жоңғарлардан босатып, Қазақ хандығына қайтарып алған.
4) Әлихан Бөкейхан – Алаш партиясының және Алаш автономиясының қалаушысы. Алаш ордалықтар, қазақ мемлекетінің Жапония және батыс сияқты дамуын калаған. Әлихан Бөкейханның басшылығымен Ахмет Байтұрсынов, Әлімхан Ермеков сияқты алаш ордалықтар Ленинмен келіссөздер жүргізіп, Қазақстанның бүгінгі шекарасын сызған.
5) Сәкен Сейфуллин – ақын, жазушы, саясаткер. Сәкеннің ең үлкен ерлігі, ол қазіргі премьер министрмен бірдей лауазымды басқара отырып, қазақтарды қырғыз деп атаған кезде, лауазымын қолдана отырып, қазақ деген атауымызды қайтарды. Бұдан бөлек Құжат айналымы, бәрі қазақ тілінде жүргізілу керек деген саясат жүргізгісі келді. Большевиктер кейбір тарихи мағлұматтарымызды жағып, өртегісі келгенде, өртеуге жол бермей, сақтап қалған.
6) Дінмұхамед Қонаев – Қонаев қарапайымдылығымен және халыққа жақындығымен белгілі. Қонаев кезінде Қазақстан экономикасы көтеріліп, қалалар салына бастады. Қонаев тұсында 1950 жылдары Өзбекстанға кетіп қалған жерлер, Қазақстан құрамына қайта қайтарылды.
7) Қаныш Сәтбаев – Қазақ Ғылым академиясының негізін қалаушы. Әйгілі геолог Жезқазғандағы мыстың ең бай кен орындарын ашты. Оның Қазақстандағы ауыр металлургиясының дамуына, Ертіс-Қарағанды каналының салынуына қосқан үлесі зор. Екінші дүниежүзілік соғыстың басында. КСРО-да марганецтің өткір жетіспеушілігі пайда болды, себебі, 1941 жылы тамызда неміс әскері негізгі марганец кен орны, Никопольді басып алды. Ал қараша айында болса, немістер Никопольден кейінгі Чиатура кен орнына дейінгі теміржол желісін кесті. Сондықтан, КСРО-да марганец өндірісі толығымен тоқтатылды, себебі, осы екі кен орындары марганец рудасының 91,6 пайызын өндірген. Танкілер соғыстың басты қаруларының бірі болатын, ал марганец, осы танкілердің оқ өткізбейтін сауытын жасау үшін қажет болған. Осы кезде Сәтбаев, Жездіде марганецтің бұрын табылған қорын игеру туралы ұсыныс жасады. Ұсынысты назарға алып, 1942 жылы 12 маусымда, Жезді кенішінде марганец өндіріле бастады. 1943 жылға қарай Жездіде, елдегі марганецтің 70,9 пайызы өндірілді.
Әрине бұл тізім толық емес. Бұл тізімде мықты тұлғалардың шағын бөлігі ғана жазылған.
