Қазақстандың 61 жастағы азамат өзі мен бірге сүйіктісін қосып өртеп жіберуге тырысқан. Екібастұз қаласының 52 жастағы тұрғыны өзі бұрыннан танитын ер адамға қарсы шара қолдануды өтініп полицияға жүгінген.
Жәбір көрген әйелдің сөзінше, бұдан бір жарым жыл бұрын ол 61 жастағы ер адаммен бірге тұрған. Кейіннен олар ажырасып кетіп, содан бері азамат сүйіктісін қайтару үшін соңынан аңдып, жұмысынан күтіп алып, зорлық-зомбылық әрекеттерімен қоқан-лоққы жасап келген.
«Бірбеткей азамат сөздерінің енді өтпейтінін түсінгеннен кейін, қатаң әрекетке көшуді шешкен. 2 қараша күні сағат 17:30-дар шамасында ер адам 52 жасар әйел тұратын үйдің ауласына келіп, өзі мен қоса әйелдің де үстіне бензин құйып, алдымен өртеп соңынан өлтіремін деп қорқытқан. Әйелдің бақытына орай, оқиға орнынан қашып құтылып болған оқиға туралы полицияға хабарлап үлгерген», — деді полиция департаментінде.
Ер адамға қауіп төндіру фактісі бойынша ҚР Қылмыстық кодексінің «Қорқыту» бабы бойынша сотқа дейінгі тергеу амалдары жүргізілуде.
Айта кету қажет, биылғы жылдың басынан бері Павлодар облысында осыған ұқсас 11 факті тіркелген.
