Былтыр «Арыс-Түлкібас» кешенді қисық учаскесінің Түлкібас-Арыс темір жол учаскесінде жүк пойызының 8 вагоны рельстен шығып кеткен болатын. Түркістан облысы бойынша көліктік бақылау инспекторы бұл оқиғаға «Орал вагон жөндеу кәсіпорнын» кінәлі деп таныды, деп хабарлайды «Адырна» тілшісі.
«Түркістан облысы Түлкібас аудандық соты шетелдік компанияға қатысты үш әкімшілік құқық бұзушылық туралы іс материалдарын зерделей келе, тергеу барысында 8 жүк вагонының рельстен шығып кетуіне техникалық себеп Орал вагон жөндеу кәсіпорны платформасын сапасыз депо жөндеуден өткізгені анықталғанын көрсетті. ОВЖК-ның жылжымалы құрамды, сондай-ақ темір жол көлігінде қозғалыс қауіпсіздігін қамтамасыз ететін техникалық құралдарды күтіп ұстау, пайдалану және жөндеу бойынша тиісті шараларды қабылдамағаны үшін кінәсі тиісті құжаттармен расталды»,—делінген хабарламада.
Осылайша сот пойыз рельстен шығып кеткені үшін компанияға 1,4 млн теңге айыппұл салынды. Сот шешімдері заңды күшіне енді.
Еске салайық, өткен жылдың 25 маусымында Түлкібас ауданында жүк пойызы рельстен шығып кеткен еді. Оқиғадан ешкім зардап шеккен жоқ.
Фото: shutterstock
https://adyrna.kz/post/229586?fbclid=IwY2xjawIpw_NleHRuA2FlbQIxMQABHR6Rx6yg5K-yL5ekV-8Smf0Kot4cP3JDc_h0-vyf94OBKB_fvC7zE5Azpw_aem_4GTIKb7oFyw56Op-xIPIQA
