https://turkystan.kz/article/259250-agas-kolikke-qulady-akimdik-kolik-iesinin-sygynyn-oteitin-boldy
Тараз қалалық соты қала тұрғынының Тараз әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөліміне қатысты талап-арызын қарады, деп жазады turkystan.kz.
Тұраққа қойылған үш автокөлікке ағаш құлаған. Нәтижесінде көліктерге әртүрлі механикалық зақым келген. Екі жүргізуші көліктері қатты зақымданбағандықтан арыз жазбаған. Ал үшінші жүргізуші материалдық залалды өндіріп алу туралы арызбен сотқа жүгінген.
Сот коммуналдық мекеме ағаш құлаған жол төсемін ұстауға жауапты екенін анықтады.
Туындаған залал мен жауапкердің әрекеттері не әрекетсіздігі арасындағы себеп-салдарлық байланыстың, сондай-ақ ұсынылған дәлелдемелердің, куәның айғақтарының және прокурордың қорытындысының болуын ескере отырып, сот талап-арызды толықтай қанағаттандырды.
Жауапкерден талап қоюшының пайдасына жалпы сомасы 550 мың теңгеге материалдық залал мен сот шығыстары өндірілді.
