Маңғыстауда 30 келіден астам бекіре балығын заңсыз тасымалдаған азаматтар ұсталды

polisia.kz
Маңғыстау облысында аса құнды су биологиялық ресурстарына жататын балықты заңсыз тасымалдау дерегі анықталды, деп хабарлайды turkystan.kz.

Маңғыстау облысы полиция қызметкерлері жедел-іздестіру іс-шаралары барысында бекіре тұқымдас балыққа ұқсас балықты заңсыз тасымалдау дерегін анықтады.

Автокөлікті тексеру кезінде жалпы салмағы 30,7 келі болатын 9 балық табылып, тәркіленді. Тәркіленген заттай дәлелдемелер жауапты сақтауға қойылды.

Аталған дерек бойынша сотқа дейінгі тергеп-тексеру басталды. Қазіргі уақытта оқиғаның барлық мән-жайын және оған қатысы бар тұлғаларды анықтауға бағытталған қажетті тергеу және жедел іс-шаралары жүргізіліп жатыр.

Полиция азаматтарға аса құнды су биологиялық ресурстарының заңсыз айналымы үшін Қазақстан Республикасының заңнамасына сәйкес жауапкершілік көзделгенін еске салады.

Толық нұсқасына гиперсілтеме беруді ұмытпаңыз: https://turkystan.kz/article/284773-mangystauda-30-keliden-astam-bekire-balygyn-zansyz-tasymaldagan-azamattar-ustaldy