Қаратау қаласында Халықаралық нашақорлыққа қарсы күрес күніне орай «Біз нашақорлыққа қарсымыз» атты велошеру ұйымдастырылды.
Іс-шараның негізгі мақсаты – жастар арасында салауатты өмір салтын насихаттау, есірткі құралдары мен психотроптық заттарды қолданудың алдын алу, олардың адам денсаулығы мен қоғамға тигізетін зияны туралы кеңінен ақпарат беру, сондай-ақ жастарды спортпен тұрақты айналысуға және бос уақытын тиімді өткізуге ынталандыру.
Велошеруді «Жастар ресурстық орталығы» және бұқаралық спорт бөлімі Талас аудандық полиция бөлімімен бірлесіп өткізді. Шараға қала жастары, спорт сүйер қауым және белсенді тұрғындар қатысты.
Қатысушылар белгіленген маршрут бойынша велосипедпен жүріп өтіп, нашақорлыққа қарсы күресті қолдайтын ұрандарды насихаттады. Сонымен қатар, іс-шара барысында жастарға есірткінің зияны мен оның адам өміріне тигізетін кері әсері туралы түсіндіру жұмыстары жүргізілді.
Ұйымдастырушылар мұндай шаралар жастардың денсаулығын нығайтуға, зиянды әдеттердің алдын алуға және қоғамдағы белсенділігін арттыруға ықпал ететінін атап өтті. Велошеру салауатты өмір салтын дәріптеп, спортпен шұғылданудың маңыздылығын кеңінен насихаттауға бағытталды.
Әсем Әбдуалиева,
«Жастар ресурстық орталығының» аға инспекторы.
