Арыс қаласын қайта қалпына келтіру мен жапа шеккен тұрғындарға көмек көрсету мақсатында өңірден аттанып жатқан керуен көші аз емес. Сондай-ақ қаладан аймаққа тиесілі штапқа 11 көше бөлініп берілген. Онда 312 жеке тұрғын үй, 14 әлеуметтік және коммерциялық нысан бар. Бүгінде зерделеуден өткен жеке тұрғын үйдің барлығының ақау актілері толтырылып, сметалау жұмыстары жүргізіліпті. Апат салдарынан қираған 3 үйдің екеуі қайта салуды, біреуі толық жаңғыртуды қажет етеді. Қалған 309 үйге күрделі жөндеу жұмыстары жүргізілу үстінде.
Нақты айтқанда, Арыс қаласын қалпына келтіру бойынша облыс тарапынан құрылған штаб қалпына келтіру жұмыстарын сапалы әрі уақтылы жүргізуге күш салуда. Соның арқасында бірқатар тұрғын үйдің жөндеу жұмыстары толығымен аяқталып, иелеріне тапсырылған. Бұдан бөлек, қазіргі таңда жамбылдық 250 құрылысшы жеке тұрғын үйлердің демонтаж жұмыстарын жүргізіп жатыр.
Алдыңғы 1 of 10 Келесі
