Талай талантты балалардың шығармашылығын шыңдаған балалар өнер мектебі дарынды оқушыларды тәрбиелеуде аянбай еңбек етіп келеді. Олардың жеткен жетістіктері мен толағай табыстары жетерлік. Жуырда Бурабайда “Алтын дән” Х — шы республикалық балалар шығармашылығы фестиваль — байқауы өткен болатын.
Шығармашылықты шыңдап, шын талантты анықтайтын байқауға Ықылас Дүкенұлы атындағы қазақ ұлт — аспаптар оркестрі қатысып, Гран-при ұтып алды. Оркестрдің барлық мүшелеріне сыйлықтар, медальдар мен кубок тапсырылды. Оркестр жетекшісі Нұрлан Байділдаевтың шәкірттері үмітті ақтап, Арқада өткен сайыста арқаланып, бар өнерін салды.Байқаудан соң қатысушы оркестрант — оқушылар мен жетекшілер Бурабайдың көрікті табиғатын тамашалап, “Лесная полянка” лагеріне тоқтап, демалды. Демалыс барысында Көкшетауына тәнті болып, Бурабай жағалауында моторлы қайықпен серуендеді.Жас дарындылардың жарқын жеңістері құтты болсын!
Сарысу ауданы
