Жамбыл облысының әкімі Ербол Қарашөкеевтің төрағалығымен өткен кеңесте алдағы жылыту маусымына дайындық барысы қаралды.
Күн тәртібіндегі мәселе бойынша Жамбыл облысы әкімінің орынбасары Қанатбек Мәдібек баяндама жасап, жылыту маусымына дайындық және оны өткізу бойынша өңірлік штабтың жұмысына жан-жақты тоқталды.
Оның айтуынша, облыс бойынша облыста 9 жылу энергетика кешендері және 616 автономды қазандықтар бар. Олармен 1 767 әлеуметтік нысандар мен 1 715 көпқабатты тұрғын үй жылумен қамтамасыз етілмек.
— Жалпы ҚР Энергетика министрлігімен облысқа қажетті 34 305 тонна әлеуметтік мазут бөлінді.
Жаңатас қаласының қазандығына а.ж. 4-ші тоқсанына 8 500 тонна мазут қажет. Оның 7 800 тоннасын сатып алу үшін облыстық бюджеттен қаражат бөлінді. Бүгінгі таңда отын-энергетика кешендерімен жылыту маусымына дайындық іс-шаралары кестеге сәйкес атқарылып, өңірлік штабтың тұрақты бақылауында.
«Таразэнергоорталық» АҚ жоспарлы 20 іс-шараның 19-ы орындалды.
Негізгі іс-шаралар бойынша ТЭЦ-4 станциясындағы 2 бу турбиналары, №4 ПТВМ маркалы қазаны және РК-4-те №4 КВГМ маркалы қазаны жөндеуден өтті.
Инвестициялық бағдарлама аясында ТЭЦ-4 (№3 АБ) және РК-4 (№2 АБ) қазандығындағы аккумуляторлық бактарды сырлау, металды түбін (днища) ауыстыру жұмыстары жоспар бойынша 1 қазанға дейін аяқталады.
Облыс әкіміің қолдауымен облыстық бюджет есебінен Т-1 трансформаторы ауыстырылды.
Бұдан бөлек, Т-2 трансформаторды ауыстыру бойынша облыстық бюджеттен, «Таразэнергоорталық» АҚ 01қаражаты есебінен қаржы қаралды. Мемлекеттік сатып алу конкурсының қорытындысы шықты.
Ағымдағы жылдың 1-шілдесінен бастап жылу энергиясын тұтынушыларға өткізу қызметі «Таразэнергоорталық» АҚ-нан «Таразтрансэнерго» МКК-на берілді.
Сондай-ақ, 2026-2028 жылдарға арналған республикалық бюджетті қалыптастыруға РК-4 қазандығын кеңейту (қайта жаңғырту) жобасына қажетті қаржыны қарастыру үшін ҚР Энергетика министрлігіне бюджеттік өтінім тапсырылды. Бүгінгі таңда отын-энергетика кешендерімен жылыту маусымына дайындық іс-шаралары кестеге сәйкес атқарылып, өңірлік штабтың тұрақты бақылауында, – деді Қанатбек Мәдібек.
Сондай-ақ, облыс бойынша 350,7 шақырым жылу желісі бар десек, олардың тозу деңгейі — 54 пайызды құрайды, яғни ағымдағы жылы республикалық бюджет және кәсіпорын қаражаты 4,65 шақырым құрайтын 3 жоба іске асырылған.
Сонымен қатар, облыстық бюджет және кәсіпорын есебінен 6,1 шақырым жылу желілері күрделі жөндеуден өтуде . Бүгінгі күнге Қаратау қаласында жоспарлы 5,2 шақырымның 4,9 шақырымы ауыстырылды. Сондай-ақ, Шу қаласының 2,0 шақырым жылу желілері жөндеуден өтті.
Жалпы, биыл 12,7 шақырым жылу желілерін ауыстыру нәтижесінде тозу деңгейі 53 пайызға төмендейді.
«Жамбыл-Жылу» кәсіпорны «Энергетикалық және коммуналдық секторларды модернизациялау» Ұлттық жобасы аясында 2026 жылға «Тараз қаласындағы «Қант зауыты» алқабындағы 7,2 шақырым жылу желілерін қайта жаңғырту» жобасы бойынша өтінім ұсынылды.
Қазіргі таңда өңірдегі теміржол тұйықтарына 8,7 мың тонна көмір қоры бар. Кезектілік байқалмайды.
Бюджеттік ұйымдардың автономды қазандықтары үшін көмір сатып алу жоспарланған .
Жылыту маусымының басталуы жақындауына байланысты білім нысандары бойынша көмірмен қамтуды қатаң бақылауда.
Бірінші кезеңде денсаулық сақтау және білім нысандары жылу жүйелеріне қосылатын болады.
Ауа-райы болжамын ескере отырып, әр өңірдің орташа тәуліктік температурасына сәйкес жылыту маусымын әдеттегідей 10 немесе 15 қазан күні бастау жоспарлануда.
Жылыту маусымына дайындық жұмыстары облыстық штабтың тұрақты бақылауында.
