Оқушылардың сапалы білім алып, әлемдік білім бәйгесінде бәсекеге лайық мұғалімдердің білім-білігінен бөлек, мектептердің заманауи талаптарға сай әрі материалдық-техникалық базасы мықты болуы керек. Ал Байзақ ауданындағы кейбір мектептер қайта жаңғыртуды немесе күрделі жөндеуді қажет ететін болса, ал енді кейбір аумаққа тіпті жаңа ғимарат керек болатын. Десе де бұл мәселе жыл өткен сайын өз шешімін табуда, – деп хабарлайды «shanyraqinfo.kz» ақпарат агенттігі.
Соның ішінде қайта жаңғырған ғимараттардың ішінде әйнектері ауыстырылып, электр жүйелері мен өрт дабыл жүйесі жаңарған,. акт зал, кітапхана, асхана, оқу кабинеттері, спорт зал шатыры мен едені жаңартылған мектептер бар. Жылу қазандықтары ауыстырылып немесе газбен жылыту жүйесіне көшіп жатқан білім ошақтары да бар.
– Ақшолақ ауылындағы 120 оқушыға арналған орта мектеп құрылысы (сметалық құны 564,2 млн. теңге) 2018 жылы басталып, нысан құрылысы биыл тамыз айында аяқталады. Базарбай ауылындағы А.Пушкин орта мектебі, Аққия ауылындағы «Аққия» бастауыш мектебі, Көктал ауылындағы «Саялы» балабақшасы, Жетібай ауылындағы «Ерасыл» балабақшасы қазандықтарын газға көшіру құрылыстары жүргізілуде. Ол үшін бөлінген қаражаттың жалпы сомасы 165,2 миллион теңге.
Қазіргі таңда, аудан бойынша 5 мектеп күрделі жөндеу жұмыстарын қажет етеді. Бүгінге олардың 3-еуін күрделі жөндеуге ЖСҚ дайындалып, облыстық бюджеттен қаржыландыруға бюджеттік өтінім ұсынылды.
Ал, Түймекент, Бурыл орта мектептерінің күрделі жөндеу жұмыстарына жобалық-сметалық құжаттамаларын әзірлеуге жергілікті бюджеттен 9 миллион 398 мың 376 теңге қарастырылды. Бүгінгі таңда, мемлекеттік сатып алу жұмыстары жүргізілуде. Нәтижесі ағымдағы жылдың тамыз айының соңына шығады деп жоспарлануда, – деді аудандағы білім нысандарының құрылысы, қайта жаңғырту және күрделі жөндеуге қатысты жұмыстарды сөз еткен Байзақ ауданының әкімі Рахматілдә Рахманбердиев.
Осы тектес спорт саласында дене шынықтыру және спортпен жүйелі түрде шұғылданушылар үлесі жалпы халықтан 29,8% құрап отыр (меже 29,7), бұл көрсеткіш 2018 жылмен салыстырғанда 1379 адамға ұлғайған.
Ауданның мәдени өмірін қалыптастыру бағытында да ауқымды жұмыстар жүруде. Мысалға, аудан бойынша 1 аудандық мәдениет үйі, 20 ауылдық клубтар, 1 аудандық орталық, 1 аудандық балалар, 23 ауылдық кітапхана, 1 аудандық тарихи-өлкетану музейі тұрғындарға мәдени қызмет көрсетуде. Өткен жылы шалғай елдімекендердегі тұрғындарға мемлекеттік қызметтердің қолжетімділігін арттыру мақсатында 8 ауылдан ақпараттық орталық, аудандық орталық кітапханадан коворкинг (білім орталығы) орталығы ашылыпты.
