Бүгін үйден жұмысқа шықтым. Лифтке келдім. Еден жуушы қыз біздің қабатты тазалап, лифт күтіп тұр екен. Лифт келді. Кірдім.Еден жуушы қыз:
-Сізбен бірге төмен түссем бола ма?
Мен:
-Неге сұрайсыз, әрине!
-Рахмет!
Көлігімді от алдырып отырмын. Көңіл-қошым бұзылып кетті. Неге еден жуатын қыз менен рұқсат сұрауы керек? Неге өзін сондай төмен санайды? Еден жуатыны үшін ол менімен тең болмауы керек пе? Неге? Сан сұрақ санамды соққылады.Оған қоғам, сіз бен біз кінәліміз. Тәкаппарлық, менсінбеушілік, өзін өзгеден жоғары ұстайтын нашар пиғыл кінәлі. Қызметі барлар қатардағы жұмысшыларға, қалталылар ақшасы жоқтарға шекесінен шертиеді. Біз осылай, өзімізді, қоғамдағы орнымызды өзгеге дәлелдегіміз келеді. Біздің құндылықтар осы, өкінішке қарай.Алланың алдында бәріміз тең екенімізді көбіміз ұмытып кете береміз. Конституцияда да, бұл тайға таңба басқандай жазылған. Алайда, пиғыл түзелмей, бәрі бекер…Қарапайымдылық пен кішіпейіл мінез-ол біздің мансаптағы емес, адамдық деңгейімізді көрсетеді. Бастысы-адам деген атқа лайық болайық!Армангүл Тоқтамұрат
