Сапарға шыққалы жүрсең — алдын ала жар салма. Перзент күтіп жүрсең — сабырмен күт. Жаңа іс бастасаң — елдің бәріне айта берме. Отбасыңды жақсы жерге апарсаң — көзге көрсетуді әдет етпе. Мұра не несібе бұйырса — мақтанға айналдырма. Балаңның жетістігін орынсыз жариялай берме. Жұмыс не қызмет бұйырғалы тұрса — үнсіз әрекет ет. Отау құрғалы жүрсең — асықпай, байыппен жүр. Жұбайыңмен араң тату болса — оны көпке паш етпе. Үй алсаң да, көлік мінсең де, қымбат дүние иеленсең де —бәрін жұртқа тізіп көрсетудің қажеті жоқ.
Кейде адам өз қуанышын бөлісемін деп,оның қадірі мен берекесін байқамай кемітіп алады.
Қаншама іс ерте айтылған соң жүзеге аспай қалды.
Қаншама жоспар орынсыз әңгімеден кейін бұзылды.
Қаншама отбасының тыныштығына сырт сөз әсер етті.
Қазіргі кезде көп адам өміріндегі әр сәтті әлеуметтік желіге жариялауға асығады.Әр қуанышты елге көрсету міндет емес.
Бақыт тыныштықты сүйеді.
Ал кейбір нәрсе үнсіз болғанда ғана өз берекесін сақтайды.
Сондықтан:
әр қуанышты дабыра қылмай,
әр жоспарды жариялай бермей,
сабырмен, байыппен жүрген абзал.
Қазақ «айтылған сөз — атылған оқ» дейді.
Сол себепті әр нәрсені орнымен айтып,
орнымен үнсіз қала білген де дұрыс.
Есіңде болсын:
Ісің оңсын десең — көпке жар салма.
Көңіліңе қымбат дүниені әркімге аша берме.
Ал отбасының бақыты — тыныштық пен сыйластықта.
