Мерекелік жиынға аудан әкімінің орынбасары Дәулет Төлендіұлы арнайы қатысып, спорт саласының ардагерлері мен спортшыларды кәсіби мерекелерімен құттықтады. Ол аудан спортын дамытуға үлес қосып жүрген сала мамандарына алғыс білдіріп, спортшыларға алдағы жарыстарда сәттілік пен толағай жеңістер тіледі.
Іс-шара барысында ауданның спорт саласына елеулі үлес қосып жүрген бірқатар қызметкерлер мен спорт мамандары аудан әкімінің марапаттарына ие болды.
Сондай-ақ, жиында спорт ардагері Тоқтыбаев Базылхан Жұртшыбайұлы сөз сөйлеп, спорт саласында еңбек етіп жүрген мамандарды кәсіби мерекелерімен құттықтады.
Марапаттау рәсімінен кейін спортшылар арасында спартакиада ұйымдастырылып, кіл мықтының ішінен үздіктер анықталды.
Спорт – денсаулықтың кепілі ғана емес, елдің абыройын асқақтатып, жас ұрпақты жігерлілікке, табандылыққа тәрбиелейтін маңызды сала.
Барша спортшылар мен спорт саласының мамандарын «Спорт күнімен» құттықтаймыз!
