Дәстүрлі әнші, Қазақстанның еңбек сіңірген қайраткері, Кенен Әзірбаев атындағы облыстық филармонияның әншісі, жерлесіміз Бақыт Шағырбаевтың есімі өнерсүйер қауымға жақсы таныс. Оның орындауындағы халық әндері мен белгілі тұлғалардың термелеріне тыңдармандардың ықыласы бөлек, қошеметі жоғары. Талант иесінің өзі айтпақшы, таңдайға қонған өнер әкенің қанымен, ананың әлдиімен келген. Қара қобыз иесі Түктібай, қалың ел құрмет тұтатын Сүйінбай, Жамбыл, Нұрғиса Тілендиев бүгінде ән өнерін ақсқақтатып жүрген өнер иесінің нағашылары.
Көмейіне ән қонған талант алпыс жасқа аяқ басса да, ел аралап, өнер көрсетіп келеді. Мұндағы мақсат-өзін таныту емес, дәстүрлі әнге сусаған көпшіліктің мейірін қандыру, көңілін қанаттандыру. Қала мен шалғай ауылдарға барып, тегін концерт беруді әнші ешқашан міндет санаған емес, керісінше табиғат берген талантты халыққа таратуды борыш көреді.
«Өнер жолында елге белгілі талай белгілі ағаларым мен көрнекті қайраткерлерден бата алдым. Мысалы, Дімұхамед Қонаев, Өмірбек Байгелдиев, Мырзатай Жолдасбеков, Серік Үмбетов, Қырымбек Көшербаев және басқалар өнеріме тәнті болып, батасын берген. Елдің берген батасы әркез қолдап жүретінін сезіп отырамын»,-дейді талант иесі…
Мақаланың толық нұсқасын газет бетінен оқи аласыздар.
Нарбол Қашаған, «Talas tynysy».
