Жамбыл облысы бойынша Қылмыстық-атқару жүйесі департаментіне қарасты №58 мекемесінде асхана қызметкерлерін ынталандыру және олардың еңбегін бағалау мақсатында марапаттау рәсімі өтті.
Іс-шара барысында мекеменің асханасында еңбек ететін 4 аспаз бен 7 асхана жұмысшысы өз қызметтік міндеттерін адал әрі жауапкершілікпен атқарғаны, сондай-ақ асхана жұмысын сапалы ұйымдастыруға қосқан үлестері үшін мекеме атынан алғыс хаттармен марапатталды.
Асхана қызметкерлерінің күнделікті еңбегі мекемедегі тамақтандыруды ұйымдастыруда маңызды рөл атқарады. Олардың жауапкершілігі, ұқыптылығы мен кәсіби біліктілігі атқарылатын жұмыстың сапасына тікелей әсер етеді.
Мұндай марапаттау рәсімдері қызметкерлердің еңбегін бағалауға, олардың кәсіби ынтасын арттыруға және ұжымдағы жауапкершілік пен өзара қолдауды нығайтуға бағытталған.
Қызметке адалдық пен жауапкершілік – сапалы жұмыстың негізі.
