Алматыда тоғыз жастағы балаға қатысты сексуалдық сипаттағы әрекеттер жасады деген күдікке ілінген ер адам ұсталды. Қазіргі уақытта ол уақытша ұстау изоляторына қамалды.
Бұған дейін баланың анасы ұлы мектептен қайтып келе жатқанда көршісі оны алдап үйіне кіргізгенін мәлімдеген. Кейін әйел бейнебақылау камерасынан баласының подъезге кіргенін көріп, оны іздеуге шыққан. Оқиғадан соң полицияға арызданған.
Құқық қорғаушы Ләззат Рақышева баланың анасына сілтеме жасап, күдіктінің бастапқыда бостандықта жүргенін хабарлаған. Анасының айтуынша, баласы оны подъезд маңынан көрген кезде қорқып қалған.
Алматы полиция департаментінің мәліметінше, аталған дерек бойынша Алмалы аудандық полиция басқармасы қылмыстық іс қозғаған.
«Күдікті ұсталып, уақытша ұстау изоляторына қамалды», – деп хабарлады полиция.
Қазір іс бойынша тергеу амалдары жүргізіліп жатыр. Оның қорытындысы бойынша тиісті процессуалдық шешім қабылданады.
Дереккөз: https://politico.kz/article/balany-aldap-uyine-kirgizgen-almatyda-9-zhastagy-balaga-qatysty-iste-kudikti-ustaldy
Politico.kz.
Фото: Politico.kz
Дереккөз: https://politico.kz/article/balany-aldap-uyine-kirgizgen-almatyda-9-zhastagy-balaga-qatysty-iste-kudikti-ustaldy
