«11 қаңтарда Алматы 1 стансасында жедел-іздестіру шаралары барысында 22 жастағы Қарағанды облысының тумасы анықталып, ұсталып, одан Алматы қаласы мен Алматы облысындағы тәртіпсіздіктер кезінде ұрланған заттар тәркіленді. Ол иіссу, күннен қорғайтын көзілдірік, қол сағаттары, күртеше, косметика және гаджеттерді қолды еткен. Күдікті уақытша ұстау изоляторына қамалды», – деді басқарма басшысы Оңал Бекиев.
Аталған факті ҚР Қылмыстық кодексінің 188-бабы «Ұрлық» бойынша тіркелді.
Қылмыскер 1000 АЕК (3 063 000 теңге немесе 7 000 доллар) көлеміндегі айыппұлдан үш жылға дейін бас бостандығынан айырылады.
Еліміздің теміржол және әуе көлігі нысандарында төтенше жағдай режимі кезінде 22 құқық бұзушы әкімшілік жауапкершілікке тартылды. Сондай-ақ, ҚР Қылмыстық-процестік кодексінің 128-бабына сәйкес қылмыстық құқық бұзушылық жасады деген алты күдікті уақытша ұстау изоляторына қамалды. Ағымдағы жылдың қаңтар айында сотқа дейінгі тергеп-тексерудің бірыңғай тізіліміне барлығы 31 қылмыс тіркелді.
Көлік полициясының басшысы қаңтар айының басында болған оқиғадан кейін полиция қызметкерлері күшейтілген режимде қызмет етіп жатқанын да баса айтты.
