Терроризмге қарсы операция 12 облыста және екі мегаполисте аяқталды, деп хабарлады Ұлттық қауіпсіздік комитеті.
Терроризмге қарсы операция Алматы қаласы, Алматы және Жамбыл облыстарында жалғасып жатыр. Нұр-Сұлтан, Шымкент қалаларында, Ақмола, Ақтөбе, Атырау, Шығыс Қазақстан, Батыс Қазақстан, Қарағанды, Қызылорда, Қостанай, Маңғыстау, Павлодар, Солтүстік Қазақстан және Түркістан облыстарында қауіптің қызыл деңгейі жойылды.
Ал Жамбыл және Алматы облыстарында, сондай-ақ, Алматы қаласында жаппай тәртіпсіздік кезінде террористік және өзге де қылмыстық әрекеттерге қатысы бар адамдарды анықтау және ұстау шаралары жалғасып жатыр.
Терроризмге қарсы операция
Қазақстанда газ бағасына наразылық білдіру бойынша бейбіт митингтер жаппай тәртіпсіздіктерге ұласып кеткен болатын. Бүлікке қатысушылар әкімшілік ғимараттарды басып алып, ғимараттар мен көліктерге от қойып, адамдарды өлтіре бастады. Артынша Қазақстан президенті Қасым-Жомарт Тоқаев Қазақстанда билікті басып алуға дайындық жүргізіліп жатқанын, автогаз бағасының өсуіне байланысты халықтың наразылығы құрал ретінде пайдаланылғанын атап өтті.
Осыған байланысты Алматыда және басқа өңірлерде Қорғаныс министрлігі күштерінің қатысуымен террористерді тазарту бойынша арнайы операциялар жүргізілді. Бұған дейін Алматыда ұсталған лаңкестер мен тәркіленген қарулар жайлы видео тараған еді.
