Алматы қаласында бұзақылардың әрекетінен 13 экологиялық бекет өртеліп, ал 4 бекет қиралып, тоналған.
Қазіргі кезде 4 бекетті қалпына келтіру жұмыстары жүргізіліп жатыр, олар аптаның аяғына дейін іске қосылады. Ал 13 бекетті жөндеп, қалпына келтіру үшін көбірек уақыт қажет.
Басқарманың хабарлауынша, өртелген бекеттер сүріліп, орнына жаңа бекеттер орнатылып жатыр.
Бекеттер қалпына келтірілгеннен кейін жауапты қызметкерлер өлшеу жұмыстарын жалғастыратын болады.
Жасыл экономика басқармасындағылар төтенше жағдай аяқталғаннан кейін уақытша айыппұл салынбайтындығын атап өтті.
Жаңа экологиялық бекеттер жұмысының қайта толық қалпына келуі туралы ақпарат қосымша жарияланатын болады.
