Алматыдағы жаппай тәртіпсіздіктен кейін тамақтану орындарының бірі бақылау камераларынан пиццерияны кімдер тонағанын көрсетті.
Әлеуметтік желіде жарияланған бейнежазбада Алматыдағы жылдам тамақтану орындарының бірінде болған жағдайды көруге болады. Бейнебақылау камерасындағы видеодан тонау дерегі қаңтардың 7-і күні болғанын байқайсыз. Пиццерия иесі бейнежазбаны сипаттап тұр. Ол 4-5 күнгі тәртіпсіздік кезінде терезесі шағылғанын айтады. Бірақ тонаушылар 7-і күні ішке кірген.
Бірнеше әскери киімдегі азамат пиццериядағы сусындарды ұрлап, кассада жинақталған қаражатты қолды қылған. Жылдам тамақтану орнының иесі бірнеше күн мұнда келе алмағанын айтты. Тек 9-шы қаңтарда келгенде жағдайды көріп шошып қалған.
