?Сарысулық бірқатар кәсіпкерлер блокбекетте тұрған әскерилерді ыстық тамақпен қамтамасыз етуде. Осылайша олар елдегі жағдайға бей-жәй қарамайтындықтарын анық аңғартып отыр.
? Бұл ізгілікті іс-шараға аудан орталығы Жаңатас қаласының жеке дүкен иелері мен мейрамхана басшылары бастамашы болған. Құқық қорғаушыларды үзіліссіз ас-ауқатпен қамтасыз ету үшін, кәсіпкерлер өзара кезекшілік кестесін де құрған. Тамақты дайындау мен үлестіруге аудандағы еріктілер атсалысуда.
?Ауызбіршіліктің анық үлгісін көрсеткен ауыл азаматтарына жергілікті құқық қорғау саласының қызметкерлері дән риза.
?Айта кетейік, төтенше жағдайға байланысты жергілікті тұрғындардың қауіпсіздігі үшін аудан аумағында 5 блокбекеті қойылды.
? Қоғамдық тәртіпті тиісті күш құрылымдарымен қатар, еріктілерден құралған «Халық сақшылары» қадағалауда.
?Осы ретте аудан тұрғындарына 23:00-ден 7:00-ге дейін комендаттық сатат екендігін ескертеміз!
Сарысу ауданы әкімдігінің Баспасөз қызметі
