Белгілі актриса Шынар Асқарованы актер Тәуекел Мүсілімге ұқсатып екі бірдей фильмге түсуге шақырған. Алайда біріншісінде кастингтен өтпей қалыпты. Ал екіншісінде Тәуекелдің анасын сомдады, деп хабарлайды Express Qazaqstan.
«Дудар-ай» атты кинокартина осы әннің шығу тарихына негізделген. Фильмде Мариям есімді орыс қызы мен Дүйсен атты қазақ жігітінің махаббаты ашық көрсетіледі. Басты рөлді белгілі актер Тәуекел Мүсілім мен Мария Петлюх сомдайды. Ал Шынар фильмде Тәуекелдің анасын ойнап шыққан. Актрисаның айтуынша, режиссерлер оны Тәуекелге ұқсатып, кастингке жиі шақырады екен.
«Біз сізді Тәуекелге ұқсатып, алып тұрмыз» деп шақырады. Менің ойымша екеуміздің көзіміз ұқсайтын сияқты. Бет-әлпетімізде аздап келеді. Тәуекелдің маған ұқсағаны қандай жақсы болды, киноға өтіп тұрмын деп қалжыңдап қоямын,
Кино Алматы қаласында түсірілген. Театр сахнасында тәжірбиесі мол Шынар Тәуекелдің актерлік шеберлігіне жоғары баға беріп отыр.
Кинода қиын эпизодтар болған жоқ. Тәуекел өз рөлін шынайы ойнап шықты. Ешқандай ойнаудың, өзгертіп бірдеңе жасаудың қажеті жоқ.
