Коллаж ЭК
Атырауда екі жастағы баланы талап тастаған питбульдің иесі жеңіл жазамен құтылып кеткен.
Әдетте төбелеске қатыстырылатын иттің шабуылынан соң бала мүгедек болып қалған, деп хабарлайды Шаңырақ инфо Экспресс К.ке сілтеме жасап…
Оқиға өткен жылы Атырау қаласы Жұлдыз ықшам ауданында болды. Кішкентай баланы питбуль тістеп тастаған.
— Сол күн әлі есімде. Ит баламның басының ақ сүйегіне деп тістеп, саусақтарын тістеп тастаған. Білегінің сүйегін шайнап тастаған. Жедел-жәрдемді күтетін уақытымыз болмады. Осы кезде полиция қызметкері Қанат Испусинов баламды өзінің киіміне орап, облыстық балалар ауруханасына жеткізді. Бірнеше ай емделіп, үйге шықтық, — дейді баланың анасы.
Баланың анасы полиция қызметкеріне алғыс айтып, көшедегі бұралқы иттердің көзін құрту керектігін айтты.
Белгілі болғаны, иттің 36 жастағы иесі тек айыппұл төлеп құтылған.
