Заманымыздың ұлы тұлғасы Д.А.Қонаевтың есімі расымен де енды мықтап ұлықталар уақыттың туғанын байқауға болады. Оның үстіне биыл ол кісінің туғанына 110 жыл да толып отыр. Нағыз осы мерейлі сәтке тұспа-тұс келген тұжырым болды Тоқаевтың бүгінгі Жолдауында жасаған ұсынысының бірі.
Президент Қапшағай қаласының атын Қонаевтың есіміне ауыстыруға келісетінін айтты. Қапшағайдың атын Қонаев деп атау туралы ой-пікірлер бұдан неше ондаған жылдар бұрын қозғалып келе жатқан-тұғын. Бірақ, бұрынғы Елбасының тұсында бұл тілек ылғи да жабулы қазан күйінде келгені бәрімізге аян.
«Игіліктің ерте-кеші жоқ». Ұлы қайраткерді өз биігіне қондырар сәттің кешігіп болса да пайда болғаны — әділеттіліктің салтанат құрғаны деп түсінуіміз керек.
«Қапшағай қаласы халқымыздың біртуар перзенті Д.Қонаевтың есімімен тығыз байланысты. Егер жұртшылық Қапшағайға Қонаевтың есімін беру керек деген ұсыныс айтса, мен бұл пікірге қосыламын», -деген Президенттің сөзіне шәпкесін көкке ата қуанғандар қаншалықты көп болса, «Казинолы Қапшағайға емес, астанаға беру керек атын» деп қиыстан бұра тартушылар да шығып қалған көрінеді.
Ал біз алдымен Қапшағайға аты берілсе, сосын, Қонавтай әсем қаланың атына заты да сай болуы керек делініп, құмар ойындардың ордасына айналған қалашықтың кесиет кесірлі кейпі тарылып, таулы жұпары заңғар тазалықпен рухтандырылып, бірте-бірте әдебиет пен мәдениеттің рухани қазығы шоғырландырылған ортасына айнала бастайтын шығар деп ойлаймыз.
#Үміт_ҚЫРАНҚЫЗЫ,
16.03.2022 ж., срс.
