Бүгін, Мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жолы» атты жаңа Жолдауы бойынша, облыс әкімі Бердібек Машбекұлы Сапарбаевтың төрағалығымен аппараттық кеңес өткізілді.
Өңір басшысы жаңа Жолдаудың барлық бағыттарына тоқталып, Мемлекет басшысы ұсынған реформалардың еліміз үшін саяси, тарихи және рухани мән-маңызы зор екенін атап өтті. Аталған Жолдауды жергілікті жерлерде насихаттап, кеңінен түсіндіру жұмыстарын жүргізу бойынша қала және аудан әкімдеріне бірқатар тапсырмалар берді.
Аудан әкімі Нұрсипатов Руслан Маратұлы орынбасарлары, ауыл әкімдері және бөлімдер мен мекемелердің басшыларымен актив жиналысын өткізді.
Руслан Маратұлы Президент Жолдауындағы өзекті реформалар жайында кеңінен баяндап, аудан көлемінде насихаттау жұмыстарын ұйымдастыруды және бақылауды аудан әкімінің орынбасары Берік Бегалиев пен ішкі саясат бөлімінің басшысы Ринат Жантаевқа тапсырды.
Сонымен қатар, аудан әкімі аппараттық кеңес барысында қаңтар-ақпан айларындағы ауданымыздың жалпы көрсеткіштерін саралап, екі айдың қорытындысы бойынша аудан активіне бірқатар тапсырмаларды жүктеді.
Алдымен, әлеуметтік маңызы бар азық түлік бағаларын реттеу жұмыстарын күшейтуді, зерделеу жұмыстарын күнделікті жалғасытырып, атқарылған жұмыстардың нәтижесін баяндауды мониторингтік топтың басшысы Берік Бегалиев тапсырды.
Аудан көлемінде қант тапшылығын болдырмау мақсатында, кәсіпкерлермен келісіп, «Қант зауытынан» әр ауылдық округке қант өнімдерін жеткізіп беру жұмыстарын ұйымдастыруды кәсіпкерлік бөлімінің басшысына тапсырды.
Келесі кезекте, Руслан Маратұлы көктемгі дала жұмыстарын, егін науқанын толықтай бақылауға алуды орынбасары Бақытхан Әбжапаров пен ауыл шаруашылығы бөлімінің басшысы Садық Бұтабаевқа жүктеді.
Ауыл әкімдерімен бекітілген 41 жұмыс индикаторының орындауын қадағалап, келесі аппараттық кеңесте сол индикаторлардың орындалуының нәтижелерін баяндауды экономика бөлімінің басшысы Азамат Қасабековке тапсырды.
Аудан бюджетін мемлекеттік салықтық түсімдер есебінен арттыру мақсатында өндіріс көлемін арттыру жұмыстарын ауыл әкімдерімен бірігіп ұйымдастыруды аудандық кірістер басқармасының басшысы Мұратбек Сырлыбаевқа тапсырды.
Жұмыспен қамту жұмыстарын және мемлекет тарапынан беріліп жатқан қолдаулар жайлы, оның ішінде мемлекеттік бағдарламалар бойынша беріліп жатқан әлеуметтік көмектер туралы аудан тұрғындары арасында түсіндіру жұмыстарын ұйымдастыруды Жұмыспен қамту орталығының директоры Ербол Дүйсебаевқа тапсырды.
Аудан көлеміндегі барлық арық-атыздар мен өзен-көлдерге зерделеу жұмыстарын жүргізіп, өзен-көлдердегі судың мөлшері туралы ақпараттарды ұсынуды «ҚазСуШар» мекемесі басшысының орынбасары Айдын Сансызбаевқа, сын-қатерлердің алдын алу жұмыстарын бақылауды және мән-жайды толық баяндауды аудандық төтенше жағдайлар бөлімінің бастығы Қанат Дәрімқұловқа тапсырды.
Сонымен қатар, арық-атыздарды асарлатып тазалау жұмыстарын ұйымдастыруды ауылдық округ әкімдеріне жүктеді.
Руслан Маратұлы жер қатынастары бөлімінің басшысы Данияр Нұрпейісовке ауылдық округтердегі барлық санаттағы жерлердің көлемін анықтап, ауыл маңындағы 5-7 шақырым төңірегіндегі жерлерді ауыл халқына жайылымдық жер ретінде бөліп беру жұмыстарын күшейтуді, осы мәселе бойынша шаруашылық иелеріне жолданған хабарламалар туралы толық ақпараттарды ұсынуды тапсырды.
Алда келе жатқан мерекелік іс-шаралар жоғары деңгейде ұйымдастырылып, уақытылы өткізілуі тиістігін аудан әкімінің орынбасары Берік Бегалиевке тапсырды.
Аудан әкімі Нұрсипатов Руслан Маратұлы берілген әрбір тапсырманың уақтылы әрі нәтижелі орындалуын аудан әкімдерінің орынбасарларына, ауылдық округ әкімдеріне және бөлімдер мен мекемелердің басшыларына қатаң тапсырып, аппараттық кеңесті қорытындылады.
Меркі ауданы
