🔹Мемлекет басшысы Қасым-Жомарт Тоқаевтың биылғы халыққа арнаған «Жаңа Қазақстан: жаңару мен жаңғыру жолы» атты Жолдауында көптің көкейінде жүрген мәселелер қаузалды.
🔹Жолдауда «қағаз бетінде ғана жүзеге асырылған, бірақ шындыққа еш жанаспайтын жалған табыстарға масаттанып отыратын заман келмеске кеткенін» айтты. Ендігі де мәжілістің 70 пайызы пропорционалдық, яғни партиялық жүйе бойынша, 30 пайызы мажоритарлық жүйе (өзін-өзі ұсыну) бойынша жасақталатынын мәлімдеді. Сондай-ақ ол партияларды тіркеу процедурасы жеңілдейтінін, тіркеу табалдырығы 4 есеге 20 мың адамнан, 5 мың адамға дейін төмендетілетінін айтты. Аймақтық өкілдіктердің саны 600-ден 200 адамға, бастамашыл топ өкілдері 1000 адамнан 700 адамға дейін төмендетіледі.
🔹Сондай-ақ, Жолдауда «Президенттің өкілеттігін біртіндеп қысқарта отырып, Парламенттің рөлін айтарлықтай арттыруымыз керек. Экономикадағы, саясаттағы жасанды монополияларды түбірімен жоюға тиіспіз. Оның орнына ашық әрі әділ бәсеке орнату өте маңызды. Себебі, нағыз бәсеке болғанда ғана халықтың әл-ауқаты артып, жағдайы жақсарады. Президенттің жақын туыстарының саяси лауазымдарға және квазимемлекеттік құрылымдардың басшылары қызметіне тағайындалуына тыйым салынады. Парламент республикалық бюджеттің сапалы орындалуына бақылауды күшейтеді. Бізге ешкім сырттан келіп, ештеңе жасап бермейтіні анық, бәрі өз қолымызда. Сондықтан, баршаңызды Жаңа Қазақстанды құруға бір кісідей жұмылуға шақырамын. Халықтың қолдауымен мақсатымызға жетеміз деп сенемін», – деді Мемлекет басшысы. Бұл бастама мемлекеттік басқару жүйесінің қоғамдағы рөлін одан әрі арттыра түспек.
☑️Сәкен Артықбаев,
аудандық санитарлық-эпидемиологиялық бақылау басқармасының басшысы
#ТоқаевЖолдауы #Жолдау2022 #NewKazakhstan #CCS
