Нұр-Сұлтандағы Керей, Жәнібек хандар және Түркістан көшелерінің қиылысындағы жолдың асфальты опырылып түсті, деп хабарлайды Stan.kz ақпарат агенттігі.
Нұр-Сұлтан қаласы әкімдігінің баспасөз қызметі оқиғаның 11 сәуірде болғанын хабарлады.
«Керей, Жәнібек хандар және Түркістан көшелерінің қиылысында кәріз құбырындағы апат жол жабынының негізін шайған, салдарынан жол бөлігі опырылды», – деп хабарлады баспасөз қызметі.
Қазіргі таңда бұл аумақ қоршалған. «Эко жүйе» коммуналдық қызметі кәріз құбырының бүлінген бөлігін қалпына келтіру жұмыстарын жүргізуде.
Елорда әкімдігінде түсіндіргендей, қалалық жол-көлік инфрақұрылымын дамыту басқармасы қысқа мерзімде жолды қалпына келтіру жұмыстарын жүргізеді.
https://stan.kz/nyr-cyltannin-tura-ortasinda-zholdin-asfalti-opirilip-t-362898/
