Алматы қаласы қоғамдық денсаулық сақтау департаментінің мемлекеттік сатып алу бөлімінің бұрынғы басшысы пара алғаны үшін 3 жылға бас бостандығынан айырылды, деп хабарлайды Stan.kz ақпарат агенттігі.
Бұл туралы Медеу ауданының 2-аудандық сотының баспасөз қызметі мәлімдеді.
Алматыда мемлекеттік функцияларды орындауға уәкілетті тұлғаның қомақты мөлшерде пара алу фактісі бойынша лауазымды тұлғаға қатысты қылмыстық іс қаралды.
«Сот 2021 жылдың маусым айында Алматы қаласы қоғамдық денсаулық сақтау департаментінің мемлекеттік сатып алу бөлімінің басшысы қызметін атқара отырып, С.-ның қысқа ішек синдромы диагнозы бар науқас балаларға арналған дәрілік заттар мен медициналық мақсаттағы бұйымдарды жеткізу бойынша мемлекеттік сатып алуды ұйымдастырушы болғаны анықталды. Тендерде жеңіп шыққаны үшін ЖШС-нен шарт сомасының 10 пайызы 78 млн теңге көлемінде пара талап еткен», — делінген хабарламада.
Сотта мемлекеттік қызметшінің пара алу үшін келісім-шартты жасасуға және орындауға көмектесуге уәде бергенін атап өтті.
«Байқау аяқталғаннан кейін ЖШС құрылтайшысы бұл жағдайды басқа жолмен шешпек болған. Әуелі дәрі-дәрмекпен қамтамасыз етуші ретінше біріншісіне миллион теңге көлемінде ақша аударған», — делінген хабарламада.
Сот жауаптылықты жеңілдететін мән-жайлар ретінде кәмелетке толмаған балалардың болуын есепке алды.
«Сотта С. өз кінәсін мойындамай, істеген ісіне өкінбейтінін мәлімдеген. Күдікті сот үкімімен аса ірі көлемде пара алғаны үшін кінәлі деп танылып, оған 3 жылға бас бостандығынан айыру жазасы тағайындалды. Сонымен қатар енді ол мемлекеттік қызметтегі лауазымдарды атқара алмайды», — делінген сот шешімінде.
Үкім заңды күшіне енген жоқ.
https://stan.kz/almati-kalalik-densaulik-saktau-baskarmasinin-eks-bolim-362899/
