Тараз қаласының Полиция басқармасы әкімшілік қамауға алынғандарға арналған арнайы қабылдау орнына түрлі құқық бұзушылықтар жасаған тұлғалар, оның ішінде мас күйінде көлік жүргізген немесе жол-көлік оқиғасы болған жерден кетіп қалған жүргізушілер түседі.
Жыл басынан бері полиция қызметкерлері мас күйінде көлік құралын басқарудың 232 дерегін анықтады.
Осы санаттағы құқық бұзушылардың жалпы санынан 215 жүргізуші 15 тәулікке қамау түріндегі әкімшілік жауапкершілікке тартылды. Ал, осыған ұқсас бұзушылықтар жасағаны үшін 22 адамға қатысты Қазақстан Республикасы Қылмыстық кодексінің 346-бабы бойынша сотқа дейінгі тергеу амалдары басталды.
— Көлік жүргізушілер арнайы орынға келіп түскеннен кейін жасаған әр ісіне өкініп жатады. Көптеген адамдар өз қателіктерін кеш түсініп жатады. Өйткені, мұндай жауапсыздықпен жасалған әрекеттің салдары жақсылықпен аяқталмайтыны баршаға мәлім. Көбінесе мас күйінде көлік басқарған жүргізушілер ауыр жол апаттарын жасайды. Жол апаттарының өсуіне тікелей қатысы мас жүргізушінің қылмыскер екенін әр адамның білуі қажет. Жасалған бір қателік бірнеше адамның өміріне әсер етуі мүмкін,-деді Тараз қаласының Полиция басқармасы әкімшілік қамауға алынғандарға арналған арнайы қабылдау орнының бастығы полиция майоры Талғат Түленбеков.
