Желіде той үстінде қызының басындағы ақ орамалын күштеп шешпек болған ана қызу талқыға түсті (видео)

Желі қолданушылары той кезінде орта жастағы әйелдің  қалыңдықтың басындағы ақ орамалды күштеп шешпек болғаны түсірілген видеоны қызу талқылауда, деп хабарлайды Stan.kz ақпарат агенттігі.

Желіде жарияланған видеода орта жастағы әйел адамның жас жұбайларға жақындап келіп, қалыңдықтың басындағы орамалын күштеп шешіп тастағысы келгенін көруге болады. Сол маңдағы қонақтар жағдайға араша түсіп, оларды тыныштандыруға тырысады.

Дереккөзге сүйенсек, әйелдің қалыңдықтың анасы екені айтылған. Ол қыздың үйлену тойында хиджабқа ұқсас орамал кигеніне ашуланған.

Желі қолданушылары әйелдің бұл ісіне наразылықтарын білдіруде. Алайда қолдағандар да табылды.

“Үйлену тойынан кейін де шешкізсе болады ғой”, “Бәрінің көзінше дұрыс істемеді”, “Ананың ақ батасын алмаған бала бақытты болмайды”, “Қыз бала жат жұрттық, сол барған жерінің заңымен жүру керек, күйеуіне бағыну керек. Оған қыздың ата-анасының араласуға қақы жоқ”,” Шешкені дұрыс болды” — деп жазды желі қолданушылары.

https://stan.kz/aleumettik-zhelide-toy-ustinde-kizinin-basindagi-ak-ora-369567/