Кимбап

Кимбаптың бір ыңғайлы жері оның ішіне үйдегі тоңазытқыштан табылатын кез-келген көк-өністер мен балық, шұжық, сыр сынды өзгеде тағамдарды сала беруге болады. Алдымен күрішті жақсылап жуып, үстіне күріштің өзінен сәл асырып су құямыз. Су қайнағанға дейін күріш табаға жабысып қалмауы үшін араластырып тұрған абзал. Су қайнаған кезде отты төмендетіп, бетіне жартылай қиғаш етіп қақпағын жауып қоямыз. 20-25 минуттай тұрғаннан соң күріштің суы тартылады. Дайын күрішті сол ыстық күйі нори жапырақшасына саламыз. Нори жапырақшасына салқындаған күріштен гөрі ыстық күріш салса, кимбапты ораған кезде ол нығыз болып шығады. Арасына алдын-ала дайындаған қияр, сырларды саламыз.
Кимбап дайындаған кезде арасында міндетті түрде қияр, редиска сынды өзек салып жіберу керек. Ол дайын кимбапты турауға ыңғайлы болуы үшін.
Санаулы уақыттан кейін “Кимбап” дайын!
Астарыңыз дәмді болсын!