Семей қаласының төңірегі тұрмыстық қалдық төгетін полигонға айналған, деп хабарлайды Stan.kz ақпарат агенттігі КТК телеарнасына сілтеме жасап.
Ғарыштық мониторинг жүргізгенде шаһардың 298 жерінен заңсыз қоқыс алаңы анықталды.
Қаланың айналасын күл-қоқысқа толтырған тұрғындардың өзі екен. Себебі, қала халқы тазалыққа жауапты мекемелерге көк тиын төлегісі келмейді дейді атқамінерлер. Соның салдарынан сегіз ықшамауданының айналасы күл-қоқысқа толған.
Атап айтқанда, Энергетик, Бобровка кенті мен Құс фабрикасы, Ескі әуежай аумағы адам көргісіз күйге түскен. Тіпті жаңа бой көтерген Қарағайлы шағын ауданын да қоқыс басқан. Сонау ғарыштан көрінетін хәлге жеткен тұрмыстық қалдықтарды қазір тазартып жатыр.
«Ғарыш сапары» мониторингі бойынша қаладан 298 қоқыс алаңы анықталды. Осы жұмысты атқаруға қаладан 11 мекеме жұмылдырылды. Жұмыстың біту уақыты 15 қарашаға бекітілді.”, –деді Семей қаласы ТҮКШ бөлімінің бас маманы Аян Бегалова.
https://stan.kz/semeylikter-kala-toniregin-kokis-poligonina-aynaldirgan-372170/
