Атырауда «ҚТЖ» ҰК» АҚ филиалы – «Атырау магистральдық желі филиалының» директоры Елеубай Сапаров ұсталды, деп хабарлайды Stan.kz ақпарат агенттігі.
Филиалдың бұрынғы басшысы қызметтік бабын пайдаланып, алдау және сенімін асыра пайдалану жолымен кәсіпкердің 1 500 000 теңге көлеміндегі қаражатын иемденген деген күдікке ілінді. Бұл туралы Сыбайлас жемқорлыққа қарсы қызметтің Атырау облысы бойынша департамент басшысының бірінші орынбасары Нұрлан Жахин мәлімдеді.
Атырау облысы бойынша сыбайлас жемқорлыққа қарсы қызмет өкілдері Сапаровтың нақты қандай бап бойынша және қашан ұсталғаны туралы мәлімдеме жасамады. Бірақ олар оның алаяқтық жасағанын және 22 қыркүйекте Атыраудың тергеу соты оған қатысты «қамауда ұстау» бұлтартпау шарасын тағайындағанын атап өтті.
«Бізде ҚТЖ қызметінде көптеген мәселелер бар. Көптеген сыбайлас жемқорлық тәуекелдері анықталды», — деді «Антикор» басшысының бірінші орынбасары Нұрлан Жахин.
https://stan.kz/antikor-atiraudagi-ktzh-filialinin-direktorinin-ystalga-372171/
