Ғалым Мәмбетәлиев хоккейден Қазақстан құрамасының бас бапкері болып тағайындалды деп хабарлады turkystan.kz «Барыс» хоккей клубының баспасөз қызметіне сілтеме жасап.
Қазақстан хоккей федерациясы атқару комитетінің жиналысында бапкерлік штаб бекітілді.
Алда болатын Кореямен жолдастық кездесулер, Ресей мен Беларусьтің қатысуымен болатын турнир және 2023 жылғы әлем чемпионатын ұлттық құрама мына мамандардың басшылығымен өткізеді.
Бас бапкер – Ғалым Мәмбетәлиев.
Бапкер – Александр Высоцкий.
Бапкер – Ерлан Сағымбаев.
Қақпашылар бапкері – Александр Шимин.
Бапкер – Александр Березенский.
Бас менеджер – Глеб Каратаев.
Айта кетейік, Ғалым Баубекұлы бұдан бұрын 2017 жылы әлем чемпионатында (1А) Қазақстан құрамасын жаттықтырған еді. Сондай-ақ қысқы универсиадада Қазақстан студенттер құрамасымен бірге қола жүлдеге қол жеткізді. Ғ.Мәмбетәлиев – өткен маусымның қорытындысы бойынша Pro Hokei Ligasy чемпионы атанған астаналық «Номад» клубының бас бапкері.https://turkystan.kz/article/219977-hokkeyden-kazakstan-kuramasynyn-bas-bapkeri-tagayyndaldy/
