Бүгін облыс әкімі Бердібек Сапарбаев Талас ауданына кезекті жұмыс сапарымен келді. Ең әуелі өңір басшысы Ақкөл ауылындағы № 6 аудандық арнаулы әлеуметтік қызметтер көрсету орталығына аялдап, мүмкіндігі шектеулі азаматтардың сұранысын қанағаттандырып отырған мекеменің тыныс-тіршілігімен танысты.
Өткен жылы 173,2 млн. теңгеге ағымдағы жөндеу жұмыстары жүргізілген орталықта қазіргі таңда 200 адам ем алуда. Оларға орталықтағы арнаулы және жоғары білімді әлеуметтік қызметкерлер 8 бағыт бойынша қызмет көрсетеді. Гүлнәр Бектасова басшылық ететін мекеменің 162 маманы еңбекке жарамсыз қамкөңіл жандардың ұстазы, дәрігері, қолдаушы-қорғаушысы, бір сөзбен айтқанда арқа сүйер жанашыры.еменің тыныс-тіршілігімен танысты.
Орталықты аралаған өңір басшысы халықпен кездесуде Ақкөл ауылын түрлендіру мақсатында ауқымды істер қолға алынғанын жеткізді.— Дәл қазір
ауылды қайта қалпына келтіру үшін жүйелі жұмыстар қолға алынуда. Өздеріңізге мәлім, бұған дейін 19 көшенің жолы жөнделді. Осы орталықта жұмыс істейтін 148 маман жергілікті адамдар. Жуық арада спорт кешені ел игілігіне беріліп, жаңа жұмыс орындары ашылады. Мұның бәрі ауыл халқының көбеюіне, еңсесін тіктеуіне және жастардың осында тұрақтауына оң ықпал етеді, — деді Б.Сапарбаев.
Өз кезегінде Ақкөл ауылдық ардагерлер кеңесінің төрағасы Досболат Туғанбаев 1997 жылы аудан орталығы Қаратау қаласына ауыстырылғаннан кейін реңі қашқан елді мекенге мемлекет тарапынан жасалып жатқан қамқорлыққа ауыл тұрғындары атынан алғысын жеткізді.