Тараз қаласының әкімі Бақытжан Орынбеков тұрғындарды жеке сауалдары бойынша қабылдады.
Кездесу барысында жаяу жүргіншілер жолы, қураған ағаштарды кесу, каналды тазарту, жаяу жүргіншілер жолағына белгі қою мәселелері көтерілді. Сонымен қатар елдімекендерге жол салу, дүкен маңындағы автотұрақ заңдылығы және «Қарасу» алабындағы №5 үйдің ауласына балаларға футбол және ойын алаңшасын орнату бойынша мәселелер көтерілді.Сондай-ақ «Родничок» алқабындағы каналға жүргізілген жұмыстардың аяқталмауы жөнінде сауал қойылды.
Бақытжан Әмірбекұлы тұрғындардың сұрақтарына қолданыстағы заңнама талаптарына сәйкес жауап берді.
Қабылдау қорытындысында жауапты тұлғаларға көтерілген түйткілдерді жан-жақты зерделеп, кезек күттірмейтін өтініш-тілектер бойынша тиісті шешімдер қабылдау тапсырылды.