Алматы облысында сел жүріп өткен. Әлеуметтік желілерде қуатты балшық су ағынының видеосы пайда болды.
9 маусымда жауын-шашын және бұршақ түрінде жауған жаңбыр салдарынан сағат 15.30-дан 16.00-ге дейін «Жетісу Алатау» жотасының оңтүстік беткейінің орта тау бөлігінде, құрғақ сайда секундына 70.0 куб метр шығынмен сел жүрген.
«Нәтижесінде, Сарыөзек-Көктал жолының 171 шақырымында, Панфилов ауданы Көктал ауылдық округі, Ақжазық ауылының маңында, автожол көпірінде ені 700-800 метр болатын жол жүру бөлігіне су ақты, — деп хабарлады Алматы облысы ТЖД баспасөз қызметі.
Көз жұмғандар мен зардап шеккендер жоқ, елді мекендерді су басу қаупі жоқ.