Астанада LIVEGOOD қаржы пирамидасын ұйымдастырудан алынған табысты жылыстату схемасы анықталды, — деп хабарлайды Massaget.kz тілшісі.
Пирамида схемасы бинарлы жүйеге негізделген, соған сәйкес қатысушылар жаңа қатысушыларды шақыру санына байланысты әртүрлі деңгейде орналастырылған. Осылайша қаржы пирамидасының негізгі табысы ББҚ сату емес, жаңа салымшылардың жарналары болған.
«Уәдеге сенген 6 мыңнан аса азамат деңгейіне байланысты айына 2 000 АҚШ долларына дейін бонус алуға үміт артып, LIVEGOOD компаниясынан ай сайынғы төлемі бар 50 АҚШ долларына жазылым сатып алған», — деп жазылған хабарламада.
ҚМА мәлімдемесі
ҚМА мәліметінше, заңсыз жолмен алынған қаражатқа күдікті құны 60 миллион теңгеден аса автотұрағы бар екі пәтер сатып алған, оларды тәркілеуден жасыру мақсатында өз атына және сенімді тұлғаларға рәсімдеген.
Тергеу барысында Binance биржасында 0,28 BTC криптоактивтері бар екені де анықталыпты, бұл — 28 мың АҚШ долларына тең. Сот санкциясымен жылжымайтын мүлік пен криптоактивтерге, көлікке, сондай-ақ, тінту кезінде тәркіленген 19 миллион теңге және 4 мың АҚШ долларына тыйым салынды.
«7 ақпанда күдікті Астана қаласындағы әуежайда шекараны кесіп өту және Түркияға ұшуға қамдану кезінде ұсталып, уақытша ұстау изоляторына қамалды», — деп жазылған ҚМА хабарламасында.
2025 жылғы 8 ақпанда сот оған екі айға күзетпен ұстау түріндегі бұлтартпау шарасын санкциялады. Соталды тергеу жалғасып жатыр.
Фото: depositphotos.com
Ж. Қадыржанова
https://massaget.kz/news/karjyi-piramidasyin-baskargan-kudkt-turkiyaga-kashpak-bolgan-125285/?fbclid=IwY2xjawIZNKVleHRuA2FlbQIxMQABHS2zXy87XhC_L5gxGU_Py0BnqSwxSf3qXuMMFXsw8yemIIwV4T8_uPB5NA_aem_rl6n93e6XH3tzzSNMEqD5Q
