Қазақстандық аралас жекпе-жек шебері Қуат Хамитов футболдан Қазақстан ұлттық құрамасының Солтүстік Ирландияны жеңуіне ықпал еткен факторды атады деп хабарлады turkystan.kz.

«Жеңістің аты – жеңіс, құттықтаймын! Көрдіңіздер ме, бюджет қысқарып еді, нәтиже де болып жатыр. Кейінгі жылдары футболшылардың жалақысын қысқартуды талап еткенім бекер емес екен. Өйткені тоқ адам аш адамның көрсете алатын нәтижесін көрсетпейді. Сондықтан жігіттерді аш ұстау керек, сонда ғана футболда нағыз ойыншылар қалады», – дейді ол.

Айта кетейік, 19-маусымнан 20-маусымға қараған түні Қазақстан құрамасы ЕУРО-2024 іріктеу матчында сырт алаңда Солтүстік Ирландияны 1:0 есебімен жеңген болатын.

https://turkystan.kz/article/226274-ash-ustau-kerek-kuat-hamitov-kurama-oyynshylarynyn-zhenisine-pikir-bildirdi/