Материалға сілтемені көшіру
Фото: Видеодан скрин
Астанада балта ұстап, подъезде жүрген мас ер адам тұрғындарды шошытты. Сот оны 15 тәулікке қамауға алды. Бұл туралы Stan.kz ақпарат агенттігі хабарлайды.
Астанада тұрғындарды шошытқан оқиға бойынша 31 жастағы ер адам 15 тәулікке әкімшілік қамауға алынды.
Бұған дейін әлеуметтік желілерде тұрғын үй кешендерінің бірінің подъезінде балта ұстап жүрген ер адамның видеосы тараған еді.
Қалалық полиция департаментінің мәліметінше, құқық бұзушының жеке басы жедел анықталып, ол полиция бөліміне жеткізілген. Оқиға ер адамның танысының пәтерінде болған. Сол сәтте үйде жөндеу жұмыстары жүріп жатқан. Ер адамдар бірге алкоголь ішкеннен кейін, қонақ агрессивті мінез көрсетіп, қолына құрылыс құралын алған.
Полицияның хабарлауынша, ер адамның заңға қайшы әрекеттері дер кезінде тоқтатылған. Кейін подъезде жүрген кезде ол әйнекті сындырып, өзі кесілген жарақат алған. Оған медициналық көмек көрсетілді. Басқа азаматтар зардап шеккен жоқ.
Қазақстандық ер адам баласына араша түскен әйелді күрекпен 40 рет ұрған
Оқыңыз
Қазақстандық ер адам баласына араша түскен әйелді күрекпен 40 рет ұрған
“Аталған факті бойынша ер адамға қоғамдық орында мас күйінде жүргені және ұсақ бұзақылық жасағаны үшін әкімшілік хаттамалар толтырылды. Сот шешімімен ол 15 тәулікке әкімшілік қамауға алынды. Қазір ол Астана қаласы полиция департаментінің арнайы қабылдау орнында отыр”, – делінген хабарламада.
Еске салайық, бұған дейін Құлсарыда 10-сынып оқушысы мектеп дәлізінде балта ұстап, сыныптастарын қуғаны туралы жазған едік. Екі бала жеңіл жарақат алды. Ішкі істер министрлігі Әкімшілік полиция комитеті төрағасының орынбасары Ғалым Сарғұлов ведомствоның ұстанымы бұған дейін де айтылғанын мәлімдеді. Сонымен қатар негізгі жауапкершілік полицияға емес, мектептерге тиесілі екенін жеткізді.
