Атырауда «Қауіпсіз жол» жедел-профилактикалық іс-шарасы басталды, деп хабарлайды AtyrauPress тілшісі.
Атырау қаласы аумағында 18 ақпаннан бастап республикалық «Қауіпсіз жол» жедел профилактикалық іс-шарасы өтуде. Бұл туралы Өңірлік коммуникациялар қызметі мәлім етті. Айта өтейік, шара жыл басталғалы екінші мәрте өткізіліп тұр. Тәртіп сақшылары осындай рейдттердің алдағы уақытта да өз жалғасын табатынын айтты.
— Жол қозғалысы қауіпсіздігін қамтамасыз ету, жол-көлік оқиғаларын болдырмау, сонымен қатар жол қозғалысы ережелерін өрескел бұзу жағдайларының алдын алу мақсатында «Қауіпсіз жол» жедел-профилактикалық іс-шарасы өткізілуде,-дейді Атырау ҚПБ патрульдік полиция батальоны командирінің орынбасары Өсер Жәңгірхан.
Полицейлер шетел азаматтарының такси қызметін заңсыз көрсетуі, көлік құралын мас күйде басқару, жылдамдықты асыру, басып озу, қарама-қарсы жүру, қиылыстардан және жаяу жүргіншілер өтпелерінен өту, жолаушыларды және ауыр салмақты жүктерді тасымалдау секілді жағдайлардағы қағидаларды тексереді. Мәселен, «Газель» автокөлігінің 2000 жылы туған жүргізушісінің қала ішінде көлік құралын басқару құқығынан айырылғаны анықталып, көлігі арнаулы тұраққа жеткізілді.
Шара 21 ақпанға дейін жалғасады.
https://atpress.kz/kk/news/quqyk/atyrauda-zhedel-profilaktikalyk-is-shara-bastaldy?fbclid=IwY2xjawIirIBleHRuA2FlbQIxMQABHYgWB_TFalExiTSYkRh0QoKRGkPFeExdSByrmslhQW_NJB-tnwcjLgtK-Q_aem_Er1lds82TsKMYS8sjZBdsw
Сәуле МАҒАУ
