Шерхан Мұртаза атындағы Халықаралық Тараз университетінде Заң факультетінің ұйымдастыруымен Қазақстан Республикасы Конституциясының 30 жылдығына арналған «Қазақстан Республикасының Конституциясы: бастаулары, теориясы және заманауи тәжірибе» атты халықаралық ғылыми-тәжірибелік конференция өткізілді.
Конференция аясында конституциялық құрылыстың қалыптасу кезеңдері, негізгі теориялық бағыттар және қазіргі құқықтық реформалардың өзектілігі талқыланды. Сонымен қатар, құқықтық саясат, мемлекеттік басқару және конституциялық институттардың қызметін жетілдіру мәселелеріне қатысты ғылыми пікірлер ұсынылды. Отандық және шетелдік зерттеушілердің баяндамалары конституциялық құқық саласының даму болашағына қатысты маңызды бағыттарды айқындауға мүмкіндік берді.