Талдықорғандағы Елбасының темір мүсінін сүйреп құлатты деп айыпталған Азамат Батырбаев. 5 баланың әкесі, жасы 37-де. Артынан қамауға алынған оның аяусыз азапталғаны жайлы дерек әлеуметтік желіге тез тарады: арқасына ыстық үтік басты, тырнағынының астына ине сұқты, бір сөзбен зақым келмеген дене мүшесі жоқ. Бұл туралы журналистерге денесін көзбен көрген әйелі айтқан еді. Бүгін бас прокуратура осы шағымға қатысты сотқа дейінгі тергеп-тексеру амалдары басталғанын хабарлады.Менің ойыма мына нәрсе түсті. Жалпы, түрмедегі қорлық Кеңес Одағында 30-шы жылдары қолданыла бастады. Алаш ардақтылары қамалған Суханов түрмесінде азаптау мен қинаудың 52 түрін қолдану жасырын бұйрықпен бекітілді. Кейіннен ол барлық абақтыларда қолданылды.
Мәселен, С. Сейфулиннің артынан бір айдан соң барған әйелі Гүлбаһрам күйеуін танымай қалған. Сәкеннің денесі ұрғаннан күп болып ісініп, тістері түгел түсіп, бір көзін ағызып тастаған еді. Адам төзбес азапқа Сейфуллин аттай 5 ай шыдады. Одан кейін атып тастады.
Алаш арысы Тұрар Рысқұловтың түрмеде көрген азабы да тарихта қалды. Оның бүкіл қабырғаларын сындырып, 17 жасар ұлының көзінше тырнағының астына ине тығып қинағанын қалай ұмытуға болады?
Мұндай азаптар сонау НКВД-мен бірге кетті ма десек, жоқ әлі қолданылады екен ғой 
http://Гульмира Абыкайдың фейсбуктің парақшасынан алынды.
