«Басында кемпір дейтін»: Сәкен Майғазиевтің әйеліне неліктен күйеуіне сіз деп сөйлейтінін түсіндірді

«Біз Сәкен екеуміз бір-бірімізді ерекше атап үйренгенбіз. Кейде сырт көзге қарапайым сөз, біз үшін жүректен шыққан ерекше үн сияқты сезіледі.
Бұл — махаббаттың, құрметтің, бір-бірімізге деген жақындығымыздың белгісі. Отбасындағы осындай ұсақ дүниелердің өзі үлкен мағына береді деп ойлаймын.
Сүйіспеншілік тек үлкен істермен емес, осындай күнделікті, кішкентай сәттермен құнды емес пе?», — деп жазды Динара Майғазиева.

Қос жұп үшін бұл әдетке айналған.

«Мен балаларымның анасы ретінде «анасы» деп айтамын. Ал ол «әкесі» деп шақырады. Біздің «сіз» деп сөйлегенімізге миығынан күлетіндері де бар. Бірақ бізге қазір қалыпты жағдай болып кетті. Оның бір себебі бар», — деді әнші.

Ал жары Динара бұның себебімен бөлісті.

«Негізі басында бұл кісі маған «кемпір» дейтін. Мен бұл кісіге «шал» дейтінмін. Содан бір күні үйге бір кісі қонаққа келіп айтты. «Негізі әйел адамның жолдасы-оған пір» деді. Ал ер адамын жоғалтқан әйелді пірі кем деп айтады деді. «Кемпір» деген сөз содан шыққан. Содан екеуміз қалай атасақ екен деп ойланып, «анасы, әкесі» деп атымызды ауыстырдық. Жанымда жүрсе де, жарым болса да юұл кісілер әуелі халықтың адамы. Қайда барса да, өзінен үлкені болсын, кішісі болсын сый-құрметпен төрге шығарады. Оның бәрін көзіммен көріп жүргеннен кейін, бұл кісілер «сіз» деп айтуға лайықты ғой деп айта бастадым», — деді ол.

Сәкен де әйелі өзін сыйлап «сіз» деп атаған соң, өзінің де «сіз» деп сөйлеп кеткенін айтты.

 turkystan.kz.