Жамбыл облысы әкімдігі білім басқармасы басшысының жанындағы кеңес және алқа мәжілісі өтті. Жиын басқарма басшысы Оршубеков Нурбек Абубековичтың қатысуымен ұйымдастырылды.
Алқа мәжілісінде өңірдегі білім беру саласының өзекті мәселелері жан-жақты қаралды. Күн тәртібіне сәйкес, бірінші мәселе ретінде аудандар мен Тараз қаласындағы оқушыларды бір мезгіл ыстық тамақпен қамту жағдайы баяндалды.
Сонымен қатар, Қаратау құрылыс-техникалық, №11 Сарысу, №16 Жуалы, №17 Жамбыл, Тараз сервис және технология, Жамбыл индустриалды технологиялық, Тараз темір жол көлік және коммуникация колледждеріндегі оқу-тәрбие үдерісіне жүргізілген мониторинг нәтижелері тыңдалды.
Кеңес отырысында облыстағы білім беру ұйымдары мен басқармаға қарасты мекемелердегі педагог қызметкерлердің кезекті аттестаттаудан өткен құжаттарына жүргізілген зерделеу жұмыстары қаралды.
Сондай-ақ, аппараттық-бағдарламалық кешендерді (АПК, БК) енгізу жағдайы туралы да айтылды.
Кеңес барысында Қазақстан Республикасы Оқу-ағарту министрінің 2022 жылғы 21 желтоқсандағы №506 бұйрығымен бекітілген баланы жәбірлеудің (буллингтің) профилактикасы қағидаларының аудандар мен Тараз қаласының білім бөлімдері мен білім беру ұйымдарында орындалу барысы талқыланды.
Сонымен қатар, Жуалы, Мойынқұм және Шу аудандық психологиялық-педагогикалық түзету кабинеттерінің жұмыс нәтижелері баяндалды.
Мәжіліс соңында түрлі мәселелер қаралып, күн тәртібіндегі сұрақтар бойынша тиісті тапсырмалар берілді. Кеңеске басқарма қызметкерлері, аудандар мен Тараз қалалық білім бөлімдерінің басшылары мәжіліс залында офлайн форматта қатысса, басқармаға қарасты мекемелердің директорлары Zoom платформасы арқылы онлайн режимде қосылды.
Жиын қорытындысы бойынша білім беру саласындағы жұмыстарды жүйелеу, бақылауды күшейту және анықталған мәселелерді жою бойынша нақты міндеттер айқындалды.
