Білім күнінде Жамбыл ауданына қарасты Шоқай елді мекенінде 150 орынды №3 орта мектеп пайдалануға берілді.
Білім ордасының ашылуына облыс әкімінің бірінші орынбасары Нұржан Календеров, аудан әкімі Ерлан Қыдыралыұлы қатысып, шоқайлықтарды жаңа нысанның ашылуымен құттықтады.
Жиында сөз алған Нұржан Сәбитұлы білім саласында атқарылып жатқан жұмыстар жайын айта келе, облыс әкімі Нұржан Молдиярұлының жаңа білім ордасына сыйға тартқан 10 ноутбукті мектеп басшылығына табыс етті.
Келесі болып сөз алған ауыл қариясы Болат Қожабеков мемлекетіміздің білім саласына көрсетіп жатқан қолдауын айтып, мектеп салуға атсалысқан басшыларға алғысын білдіріп, ақ батасын берді.
Жалпы мектепке 220 оқушы аяқ басса, оның 18-і бірінші, 16 оқушы 11 сыныпқа аттанбақ.
Білім орласында жалпы кабинеттер саны 14, спорт зал, 2 лингофондық кабинет, кітапхана, тігін шеберханасы, ұлдар шеберханасы, мәжіліс залымен қамтылған
Нұржан Сәбитұлы мектеп кабинеттерін аралап, оқу жоспарын көріп шықты.
Шараға аудандық Қоғамдық кеңестің төрағасы Рүстем Бегалиев, аудандық мәслихат төрағасы Мұхтар Шайдаев, «Жаңару» қоғамдық бірлестігі Жамбыл облыстық филиалының төрағасы Қасымхан Төлендиев және бірқатар білім құрылысына үлес қосқан азаматтар мен ауыл тұрғындары қатысты.
Жамбыл ауданы әкімдігі
