istockphoto.com
Қазақстан қор биржасындағы (KASE) күндізгі сауда-саттық қорытындысы бойынша доллардың орташа сараланған бағамы 3,82 теңгеге төмендеп, 458,23 теңгені құрады, деп хабарлайды turkystan.kz.
Айта кетейік, бұл — доллар бағамы 460 теңгеден төмендеген 2026 жылдың сәуір айынан бергі ең төменгі көрсеткіш.
Ұлттық банктің 20 тамызға белгіленген ресми бағамы — 1 доллар үшін 462,22 теңге.
Алматыдағы айырбастау пункттеріндегі доллардың орташа бағамы:
сатып алу — 457,02 теңге;
сату — 459,36 теңге.
Астанадағы айырбастау пункттеріндегі доллардың орташа бағамы:
сатып алу — орта есеппен 457,00 теңге;
сату — 464,00 теңге.
Сонымен бірге мамандар теңгенің қазіргі нығаюы уақытша болуы мүмкін екенін атап өтті. Қысқа мерзімді перспективада теңге әлі де нығаюы мүмкін, алайда жыл соңына қарай сарапшылар базалық мөлшерлеменің одан әрі төмендеуі және ұлттық валютаны қолдап тұрған факторлардың әлсіреуі аясында теңгенің әлсіреуін күтеді.
Айта кетейік, тамыз айының басында Ұлттық банк валюта нарығындағы жағдай мен теңге бағамының өзгеруіне қатысты түсініктеме берген еді. Сол кезде реттеуші қысқа мерзімді перспективада теңгенің динамикасы нарық қатысушыларының күтулеріне, тоқсан сайынғы салық төлемдеріне, әлемдік нарықтардағы жағдайға және геосаяси ахуалдың өзгеруіне байланысты болатынын мәлімдеді.
Толық нұсқасына гиперсілтеме беруді ұмытпаңыз: https://turkystan.kz/article/287075-dollar-bagasy-en-tomengi-minimumga-zetti
