Биыл да өңірде құрылыс жұмыстары қанатын кеңге жаймақ. Атап айтар болсақ, аудан орталығы – Төле би ауылында көпсалалы сауда ойын-сауық нысанының құрылысы жүруде. Мұнда 240 орынды мәдениет үйі, мектеп оқушыларына арналған үйірме бөлмелері орналаспақ. Бұдан бөлек осы елідмекендегі «Батыс» тұрғын алқабының инженерлік-коммуникациялық инфрақұрылымын дамыту мақсатында электр желілерімен қамтамасыз етіледі. Сонымен қатар биыл Төле би ауылындағы 147,73 гектар тұрғын алқапты сумен қамтамасыз ету жұмыстары жүргізіледі.
